ပြန်လာမယ်တဲ့

မခို့တရို့အပြုံးနဲ့နင်ကအဆို

ဘာသာမရှိသေးတဲ့ကမ္ဘာဦးလူလို ထအော်မိတယ်…

တကယ်ပါကွယ်…

စည်းလွတ်ဝါးလွတ် ငါပျော်တယ်…။



ဟုတ်တာပေါ့ကွယ်

အနန္တမှာမှ ဆုံရရင်

အိုသေ ကုန်မှာပေါ့…

တို့တွေက မျဉ်းပြိုင်တွေမှ မဟုတ်ဘဲ။



ရက်အတိအကျလား ?

မလိုပါဘူးကွယ်…

နင့်အတွက်ဆို ဘ၀တစ်ခုလုံးတောင် အား…ထားတာ

ရင်ဘတ်နဲ့ဖြန့်ခင်းဖို့သာ သေချာရင်

တကောင်းကင်လုံးလင်းဖို့က ငါတာဝန်ထား…။



ခုလောလောဆယ်တော့

“ကိုကို”အစချီတဲ့ မန္တန်တပုဒ်စီတိုင်းမှာ

(လူရှေ့သူရှေ့ဆို)

အရူးတပိုင်းမဖြစ်စေမယ့် ကုနြေ္ဒဆယ်ဆေး

ဆိုင်တကာ လှည့်ရှာမေးနေတယ်…။

တကယ်တမ်းကျ
အဖြေက သိနှင့်ကြပြီးသားပါ..
နီးရဖို့ တဲ့…။

ကျားကုတ်ကျားခဲပါပဲ…
ကျွန်တော်က အချိန်နဲ့တွက်တယ်..
သူမက မိုင်တွေနဲ့ တွက်တယ်…။

အတန်းပညာပဲ မလုံလောက်သေးတာလားမသိဘူး…
အတိမ်းအစောင်းတပုံတပင်နဲ့.
ကျွန်တော်တို့တွေ ဂဏန်းကိုင် မနိုင်ကြသေးဘူး။။

ဒီလို ဇန်န၀ါရီလတွေရဲ့ တစ်ခုသောရက်မှာပဲ

ကျွန်တော့်ကို ဒုက္ခပေးဖို့သက်သက်ဆိုပြီး

ဧဒင်ရဲ့ အထက်တည့်တည့်ကောင်းကင်က ကြယ်တစ်စင်း

အခြွေအရံအစုံအလင်နဲ့ လူယောင်ဖန်ဆင်းတယ်…။



သင်္ကြန်စာတွေထဲကလို ရေတစ်ဆ မီးတစ်ဆနဲ့ဆိုပေမယ့်

ကျွန်တော့်နက္ခတ်နဲ့မှ လာညီတော့

အိုင်းစတိုင်းရဲ့ ရီလေတစ်ဗတီ ခေတ်မမီတော့ဘူးဖြစ်သွားတယ်…။





ဘုရင်မနေရာထိပေးခဲ့တာကိုပဲ

အဲ့ဒီ ပြောမရဆိုမရ စိတ်ပုတ်မလေးက

မင်းသမီးမှ မင်းသမီးပါတဲ့…။



ကျွန်တော့မှာသာ…

မှော်ဆရာဖြစ်ရ၊ ကဗျာဆရာဖြစ်ရ

ပုံပြင်ပြောရ၊ ဂစ်တာတီးရ နဲ့

နှစ်ယောက်တည်းကတဲ့ ဇာတ်ခုံမှာ characterကို စုံရော။



တခါတခါကျတော့လည်း

အကြောင်းပြချက်မရှိဘဲ စိတ်ကောက်လို့ စိတ်မော လူမော…

တခါတခါကျတော့လည်း

စိတ်လိုလက်ရ ချွဲချွဲနွဲ့နွဲ့စကားတွေ သူမကပြော

(ဘာကောင်မှန်းတော့မသိ…)

အတောင်မပါဘဲ ကျွန်တော် တိမ်တွေပေါ်မျောလို့…။



ပျဉ်ဖိုးမေ့တာမဟုတ်ပါဘူး။

ကျွန်တော် အိပ်မရတာဘယ်သူကမှ မသိတာ..

mobile uploaded ဆိုတဲ့ ပုံတွေက လွဲလို့

ကျွန်တော့်အခန်းထဲမှာ သူမ အပြုံးတွေ(ကြယ်လို လလို)စုံတယ်…။



မဝံ့မရဲနဲ့ အသက်ရှူနိုင်သေးတယ်ဆိုတာက

သူမလက်ထဲက သေတ္တာလေး..

ပိတ်လျှက်ပဲရှိနေသေးတယ်လေ…။

မယုံပြန်ဘူးလား ရွှေယောင်ရယ်…
မမီမကမ်းနဲ့ လှမ်းခဲ့ရပေမယ့်
နင်က… ငါတကယ်ချစ်မိသွားတဲ့ နဂါးငွေ့တန်းလေးပါ။

ခိုးခိုးပြီးနမ်းခဲ့တာတွေတော့ ဗွေမယူနဲ့ပေါ့ ရွှေယောင်ရယ်…
ဘယ်သူတွေမေးငေါ့ငေါ့
နင့်နှုတ်ခမ်းတွန့် တချက်တိုင်းမှာ
ပြေးလာချော့ချင်တဲ့ကောင်ပါ။

တစ်ထောင့်တစ်ညလုံးလုံး
ပုံပြင်တွေပဲပြောရလောက်အောင်တော့
ငါမတုံးသေးဘူးဆိုရင်
နင်ကပြုံးဦးမယ်…။

ကြယ်တွေတစ်အုပ်ကြီးကြွေဦးမယ်ရွှေယောင်ရေ…
မျက်လုံးလေးတွေမှိတ်ထားရုံနဲ့ တွေ့ရမယ့်
ငါဖန်တီးထားတဲ့ ဧဒင်ဥယျာဉ်
နင့်ကို ကိုယ်တိုင်မြင်စေချင်ပြီ…။

စာမျက်နှာတွေပေါ် တက်တက်လွမ်းရတာတော့
အချစ်တွေ ဈေးကျတယ်ရွှေယောင်…
ဖယောင်းကောင်းကောင်းနဲ့သက်သေပြချင်တာမို့
…..
နင်ပြန်လာဖို့ လိုတယ်။