အလိုက်ကန်းဆိုး ပေးပေးသိလိုက်ရင်းနဲ့ကပဲ
လူက ယဲ့ယဲ့ပဲကျန်တော့တယ်...
လူမသိသူမသိ ကြွေကြွေပြလိုက်ရတာက
တတောလုံးလဲကုန်ပြီ...
ကိုယ့်ချွေးနဲ့ကိုယ်သာ အအေးမိတော့မယ်
ဟို အနောက်ယွန်းယွန်းက မိုးက
ငါ့အတွက် သဲ့သဲ့လေးတောင် ချုန်းမပြဘူး...။

အမှတ်တမဲ့ငုံ့ကြည့်မိတော့
ငါ့ရင်ဘတ်မှာလဲ လှံရာဗရပွပါလား..
နင့်အတွက်ဆိုပြီး နှိမ့်နှိမ့်ပေးလိုက်ရတာ
ဘယ်လောက်တောင်များခဲ့ပြီလဲ..။

နင်ပေးခဲ့ ..
......................
(အချစ်လို့ပဲဆိုပါစို့)
အချစ်ဆိုတာကလဲ
ကြိုးမိန့်ကျ အကျဉ်းသားတယောက်ရဲ့
နောက်ဆုံးဆန္ဒကို ဖြည့်ဆည်းပေးတာနဲ့
ဘာများကွာခဲ့လို့လဲ..
အချိန်အတိုင်းအတာလေးတခုပဲ ကွာခဲ့တာပါ

ကြာတော့...
ငါ့အချစ်ကို ငါတောင်အားနာပြီ...။


ပျော့ညံ့တယ်ပဲပြောပြော
ယောင်္ကျားမဆန်ဘူးပဲဆိုဆို
နင့်အတွက်ငါ...
ဒီတခါတော့ ငိုမယ်..။

ပြီးပီ..
ငါထွက်သွားပါပြီ...
နင့်အပါးအခစားဝင်ကြတဲ့
နင့်ရဲ့ ကျေးတော်ကျွန်တော် စာရင်းကနေ
ငါ့နာမည်စာလေးလုံးကို မှင်နီနဲ့သာ
ကြက်...ခြေ...ခတ်....လိုက် ...ပါ....တော့ ။

မနေ့ကရဲ့ လမ်းချိုးတခုမှာ
ငါ့ကိုငါပြန်တွေ့တယ်...
ဘာမှမပြောင်းမလဲ
အရောင်တောင် နဲနဲစွန်းချင်သလားပဲ...။

လက်ချိုးပြီးပြန်ရေကြည့်တော့
ခြေထာက်ကူတာတောင်မလောက်တော့ဘူး..
ရိုက်သွင်းခံထားရတဲ့ စံတွေက
ခုထိ ပမာမခန့်နေရာယူတုန်း...။

ဆန်ကုန်မြေလေးလို့ ငါ့ကိုသမုတ်တဲ့တယောက်ကို
အနည်းဆုံးပေါ့ပေါ့နေ ပေါ့ပေါ့စားတော့ မဟုတ်တော့ဘူးပေါ့လို့
ရယ်ရင်းမောရင်းပြောတော့....
သူ့ရဲ့မလိမ္မာလို့ သွင်းတဲ့လူမိုက်စာရင်းမှာ
ငါ့ကို ခဲတို့တယ်...။

လူမှန်းသိတတ်စအရွယ်က
စုဗူးအကွဲထဲကထွက်လာတဲ့ အကြွေစေ့အပုံအပင်...
အဖေ့စာအုပ်စင်က ဘေဘီလုံမှာအချမ်းသာဆုံးပုဂ္ဂိုလ်...
ကျွန်တော့အခန်းထောင့် အမှိုက်ပုံမှာ ငိုလို့....။

ကိုယ့်ဒူးကိုယ်ချွန်ဆိုတဲ့ စာစီစာကုံး
နေမကောင်းလို့မရေးမိတုန်းက
မျက်မှန်ထူထူနဲ့ကောင်မလေးတယောက်က သနားလို့တဲ့..
ကျွန်တော်အတန်းရှေ့ထွက်ရပ်ရတာကို..။
နေ့ခင်းကျောင်းဆင်း
သူ့အမေသူ့ကိုထမင်းခွံ့ကျွေးတုန်း...
ကျွန်တော်တကူးတက သွားပြုံးပြလိုက်တယ်...။

ဝါးလုံးခေါင်းထဲသာဖို့အရေး
တန်းစီတိုးဝေ့မနေချင်တော့တာနဲ့ ဘေးကိုထွက်ထိုင်တော့
အထူးအဆန်းတကောင်လို ငါ့ကိုကြည့်တယ်..။

နေထွက်မှ နောက်နေ့ကူးတယ်လို့ယူဆတဲ့
ခပ်ကြောင်ကြောင်ကောင်တွေကတောင် ငါ့ကိုလှောင်တယ်......
မင်းရဲ့မနက်ဖြန်က ဘယ်မှာလဲ? တဲ့...။

ဟ..ဟ..ဟ...ဟ...
ခြောက်ကပ်ကပ်ပဲ ကျွန်တော်ရယ်နေမိတော့တယ်.....။

အိပ်မက်ကိုတောင်
အိပ်မက်ထဲထည့်ပေးမမက်မိတော့
ငါ့ကောင်းကင်မှာ ဘယ်ကြယ်စင်မှမလင်းမှာလဲ
အဆန်းမဟုတ်တော့ပါဘူး...။

တောင်းပန်ပါတယ်...
နင့်ကမ်းစပ်ကနေ
ကြိုးမဖြည်ပဲထွက်ခွာသွားခဲ့တဲ့အတွက်လေ..။

ခရီးမတွင်နိုင်မှန်း သိရက်နဲ့
မျက်စိမှိတ် လှော်ခတ်
နောက်ဆုံးကြ
လူအမြင်ကတ်တာပဲ အဖတ်တင်တယ်..။

လက်ပန်းကျကာမှ
နောက်ကို မရဲတရဲပြန်ကြည့် .
နင်....
ရှိရော ရှိနေသေးလားဟင် ...။

မခံစားတတ်တာ မဟုတ်ဘူး..
ဟောဒီရင်ဘတ်ကြီးထဲ
ရောက်ကိုမလာတာ..။

နင့်ဟာနဲ့နင်တော့
စာလုံးပေါင်းမှန်နေပေမယ့်
ငါ့ဆီကိုလာပြီး အထားအသိုမှားနေတာက
ဆိုးတယ်...။

ခင်းပေးလာတဲ့ မြောင်းက
မြစ်လောက်ဖြစ်နေတော့လဲ
စီးပေးရမယ့် ရေ တပေါက် နှစ်ပေါက်က
အား.....နာ......တယ်.....။

သူငယ်ချင်းလို့ မခေါ်နဲ့ ။
နင့် အသက်ရှုသံတွေ
ခိုးခိုးနမ်းဖူးတဲ့ငါ
လိပ်ပြာမလုံလွန်းလို့.........။

ရူးသွပ်တယ်ပဲပြောပြော
အစွန်းရောက်တယ်ပဲ ဆိုဆို
နင်သာ ငါ့ညတို့ရဲ့ နတ်သမီးပျိုပါ...။

ခက်တာက နင်ကလဲ
ဘယ်ဆောင်းကမှ လက်သင့်မခံတဲ့
နှင်းတပွင့်မဟုတ်ခဲ့ဘူးလေ....။

မျက်စိမှိတ်တီးနေကြတဲ့
လက်ခုပ်သံတွေကြား
ရှေ့ ဆက်မတိုးဝံ့တဲ့ ဒီဆင်ကန်းကိုကျ
ဘယ်သူက စာနာပေးမှာလဲ....။

တစ်..
နှစ်...
သုံး..အော်ပြီးနင့်ကို
(လွယ်လွယ်လေး)
မုန်းလို့ရရင်လဲ အကောင်းသား..။

လက်ခမောင်းခတ်ခွင့်ချောင်းနေတဲ့
တောကြောင်တသိုက်စာရင်းမှာ
ငါမပါချင်လို့ပါ...။

မိုးခေါင်လို့ တီးခဲ့တာမှမဟုတ်တာ.
ငါဆိုတဲ့အကောင်က
ဖြစ်နိုင်ရင် ကိုယ့်ကိုကိုယ် အလုံပိတ်
ကိုယ့်ခန္ဓာကိုယ်ပြန် သင်္ဂြုလ်ချင်တဲ့ကောင်..။

မြေစမ်းဖို့ ပျိုးခဲ့တဲ့ခရမ်းမဟုတ်ခဲ့ပေမယ့်
ကိုယ့်ကို တကယ်နမ်းလိမ့်မယ်လို့
မမျှော်လင့်ခဲ့ရိုးအမှန်ပါ..။

ဖွင့်ပေးမှာရော ..
ငြင်းဆန်မှာပါ ကြောက်လျှက်နဲ့
တံခါးခေါက်ချင်နေတဲ့လူတယောက်ကို
နင်..
မမြင်ချင်ယောင်ဆောင်နေပေးပါ....။

စိတ်ချပါ
ဒီပန်းကို ငါကိုယ်တိုင်
ကြိုးစင်တင် မီးရှို့ ပါ့မယ်။